TUHAN HU

Molo hu bilang-bilangi

Ari bulan dohot taon

Gok arsak nang ilu-ilungku

Ala godang ni sitaonon ki

Nunga tung mauas au dison

Unang pasombu au Tuhan

Ale Tuhan ku sai tatap ma au

Togu dongani au nagaleon

Asasai sabam au di tanoon

Huhut manghirim pasupasuMi

Tuhan kutangihon au

Ai Ho do haporusan ki

Tuhan ku asima rohaM

Asa tung monang au on

GURU MANGALOKSA

Bege hamu amang inang na liat na lolo

Torsa ni ompu I Guru Mangaloksa na martua

Da na maringan di Siatas Barita

Na gabe tu boru borbor na basa

Na marhuraja di lobu Silindung

Ta ingot ma amang inang lao pajorjorhon i

Opat mai tahe pomparan ni guru mangaloksa

Raja na barat Raja panggabean

Hutagalung Raja hutatoruan

Na tarbarita siupat pisoran i

Raja na barat tolu ma anakna

Raja Hapoltahan Raja Sosunggulon

Raja Hutabarat Pohan

Raja Panggabean tolu ma anakna

Lumbanratus, Simorangkir, Siagian

Hutagalung dua ma anakna

Miralopak dohot Raja ina-ina

Raja Hutatoruan dua ma anakna

Raja Hutapea dohot raja Lumbantobing

Angka na benget jala na bisuk pomparan ni ompui

Na tarbarita di bangso nai anak si pajoloon i

                                                                                                                                    by : St Baho

HORAS NAPOSO BULUNG

O hamu naposo bulung

Ni Huria HKBP

Hamu ma na ni dokna bunga ni huria

Na hussus jala mangerbang i

Nang di haposoonmi pe

Sai baen dirim  tiruan i

Ulahon na denggan

Tiop hasintongan ido pinangido ni Tuhan i

Tung didia ho maringan, manang tu di ape ho laho

Tongtong ma diramoti Tuhan i

sai horas horas naposo bulung

horas horas HKBP

pahot haporseaon mi disi

masiurupan, masihaposan jala huhut ma na masitangiangan

Pdt. Toho Sinaga

 

NAI MARATA

O hamu amang dohot hamu inang bege jala tangihon ma

Tarombu ni Guru Tateabulan SiSori mangarata i

Dipargellengon tardok raja nagabe

Raja na marsahala i

Lima ma anakna I lima nang borunai

Sampulu simardung i

Ai Rajauti do anggo siangkangan si Raja biakbiak i

Saribu Raja doanggo paidua anakna nahona laga i

Limbong mulana do anggo paitolu anakna sibitonga i

Sagala Raja anggi ni nang

Silau Raja i  ima siampudan i

Ai Biding Laut do boru siangkangan Na lao tu mursala i

Boru pareme doboru paidua namamompar lontung i

Sibunga haumasan  do paitolu Namuli tu sasargih i

Si pitta haumasan do boru paeopat na muli tu sumba i

Anggo nantinjo nunga dipillit be ingananna di di tao toba i